Një lajm i bujshëm i merkatos së transferimeve vjen nga Franca. Në fakt, sipas l’Equipe, Neymar duket se i ka kërkuar drejtuesve të PSG-së një shitje të menjëhershme të dielën, pavarësisht një kontrate prej 30 milionë eurosh neto deri në vitin 2025.
Kampioni brazilian tashmë është në qendër të vëmendjes së tifozëve prej disa kohësh, të cilin ata e kanë kritikuar vazhdimisht. Futbollisti do të dëshironte të rikthehej te Barcelona, klubi nga i cili u largua në verën e vitit 2017 për shumën rekord prej 222 milionë eurosh, por trajneri Xavi nuk është i bindur nga operacioni i rikthimit të tij në Katalonjë.
I mbërritur në Paris në vitin 2017 nga Barcelona, Neymar luajti gjithsej 173 ndeshje duke shënuar 118 gola, duke kontribuar në fitimin e pesë kampionateve franceze, tre Kupave të Francës, dy Kupave të Ligës dhe tre Superkupave. Zero, megjithatë, trofetë europianë në vitrinë, arsyeja pse Al-Khelaifi vendosi t’i paguajë Barçës klauzolën stratosferike dhe ta mbulojë në ar. Një operacion i çmendur me vlerë 489,228,117 euro, sipas llogarive të bëra nga “El Mundo”.
Sipas rindërtimit të Equipe, Neymar mblodhi së bashku familjen dhe agjentin e tij Pini Zahavi dhe të gjithë së bashku ranë dakord se ishte koha për një “ndryshim ambienti”. Një vendim që bie ndesh me deklaratat e disa javëve më parë, në të cilat ai shpjegoi se donte të vazhdonte të luante te PSG.
Në “fuçinë e barutit” të PSG, pas mos-rinovimit me Mbappe, një tjetër problem del në dritë. Dhe rreziku konkret që askush të mos mbetet nga tresheja e mrekullirave Messi-Mbappé-Neymar, në Paris, është më pranë se kurrë.
Discussion about this post