Bota e futbollit do të duhet të mësohet me faktin se njëri prej mesfushorëve më të mirë të planetit, që ka magjepsur universin me bëmat e tij në fushën e lojës, duhet të tërhiqet nga ky sport për shkak të një dëmtimi të rëndë.
Fantazisti David Silva, fitues i të paktën 20 trofeve, mes Anglisë dhe Spanjës, është detyruar që të varë këpucët në gozhdë, për shkak të një dëmtimi në ligamentin e kryqëzuar anterior.
Ky lajm, i shpërndarë këtë të enjte, edhe nga gazetari Fabrizio Romano, ka dëshpëruar shumë fansat e futbollit në mbarë botën. Silva ka patur një karrierë të shkëlqyer, duke luajtur në dy nga kampionatet më të forta të planetit, Premier League dhe La Liga.
https://www.facebook.com/fabrizioromanoherewego/posts/pfbid02LsaPoS9Qu7WL72uEupVcb9FeczLSR1ZAwqMhqmiJE9uHZ9jL2bGhkAmaUj1bFs9Jl?__cft__[0]=AZXYwO_T87UCN-IHWCErj-9EkV_2nDBR5r-cpCI_DAT_hsOI9t0cwnAgv5VhNDk7o94JFs-jDSW9O2L4WDGSHfF2e_moLga8NhlNukyplZeT4UHYPjEr_VzEBymkRYTY9Dg3HnPsenh3bDmegxweNKeMCQ70gFcll4Tf1h83qzaDby34Awgi2TOZM9I-n1uevnM&__tn__=%2CO%2CP-R
I ashtuquajturi “Magjistari”, futbollisti nga Gran Kanaria e Spanjës, e nisi karrierën të akademia e Valencias, ku ra në sy menjëherë për zotësinë e tij në fushë.
Në sezonin 2004-2005, ai debutoi mes profesionistëve, me klubin valencian, duke luajtur deri në vitin 2010 (me në mes, huazimet te Eibar e Celta) plot 188 ndeshje në La Liga, të zbukuruara nga 29 gola.
Pas aventurës në Spanjë, ishte Manchester City i Roberto Mancinit që i besoi çelësat e mesfushës. Me “Sky Blues”, David Silva rishkruajti historinë e klubit, duke qënë protagonist, për një dekadë, i epokës më të sukseshme të City-t. Në ishull, ai fitoi, katër Kampionate Angleze, dy Kupa të Federatës, pesë Kupa të Ligës si dhe dy Superkupa të Anglisë.
Nga sezoni 2020-2021 e deri në fund të karrierës së tij fantastike, David Silva veshi uniformën bardheblu të Real Sociedad. Me klubin bask, ai triumfoi në Kupën e Mbretit, duke fituar finalen e edicionit 2019-2020, me Silvën që pati mundësi që të luante finalen e turneut, vetm prej faktit se kjo ndeshje ishte shtyrë me një vit, për arsye të pandemisë COVID-19.
Me Kombëtaren Spanjolle, Silva ka patur, pa dyshim, gëzimet e tij më madhore në karrierë, duke qënë pjesë e ekipit në sukseset e rëndësishme të “Furia Roja”: Kupa e Botës 2010 si dhe në kampionatet Europiane të viteve 2008 e 2012.
Nga sot, mund të themi që me tërheqjen e “Magjistarit” David Silva, futbolli nuk do jetë më aq i bukur sa më parë./m.b /gijotina.com
Discussion about this post