Një ngjarje e tmerrshme ka ndodhur në një fushë futbolli një ditë më parë, ku katër persona kanë vrarë një trajner futbolli për arsye ende të paqarta.
Në Meksikë, konkretisht në shtetin e Sonoras, po luhej një ndeshje e futbollit amator, e cila për më tepër po transmetohej drejtpërdrejt në Facebook nga një prej skuadrave.
Por në mes të ndeshjes, një grup prej katër personash ka hyrë në fushën e lojës duke ndërprerë takimin dhe qëlluar me armë zjarri drejt pankinës.
I vdekur ka mbetur Jorge Alberto, trajneri 44-vjeccar i një prej skuadrave, ndërsa raportohet se ka pasur edhe një të plagosur si pasojë e breshërisë së plumbave.
Policia po mundohet të zbardhë ngjarjen, por pretendohet se viktima kishte qenë objektivi i këtij atentati të mirëfilltë që mendohet se është porositur nga një nga kartelet e zonës.
Discussion about this post