Egnatia e Rrogozhinës ka arritur të gjejë fitoren e parë në kampionat, duke mposhtur bindshëm Kukësin me rezultatin e thellë 0-4. Rrogozhinasit nuk e kanë vënë në diskutim për asnjë moment fitoren, duke marrë 3 pikët e para për këtë sezon, përballë një Kukësi katastrofik.
Nga dy gola për secilën pjesë, i kanë mjaftuar fituesve të Kupës së Shqipërisë 2022-2023 për të fituar ndeshjen, aty ku në fakt rezultati mund të ishte edhe më i thellë pasi miqtë kanë humbur raste të shumta.
Fillimisht, ishte Paulaskas ai që shënoi, teksa më pas ka qenë Duamena me dy gola që ka thelluar rezultatin. Golin që vulosi takimin, e shënoi Iskandarli. Ndeshjen e radhës, Kukësi e ka ndaj Dinamo City në transfertë, teksa Egnatia pret Erzenin e Shijakut./PanoramaSport
REZULTATI FINAL
KUKËSI 0-4 EGNATIA
19′ Paulaskas, 28′, 48′ Duamena, 57′ Iskandarli
Discussion about this post