Një aksident i rëndë ka ndodhur mbrëmjen e sotme në Maqedoninë e Veriut, përkatësisht në dalje të Manastirit, rrugës për në Demir Hisar.
Sipas mediave maqedonase një person ka humbur jetën ndërsa 20 të tjerë janë lënduar pas përplasjes së një makine dhe një furgoni. Furgoni po transportonte punëtorë.
Në vendin e ngjarjes humbi jetën shoferi i makinës, një 24-vjeçar i paidentifikuar ende.
Shërbimet e zjarrfikëses nga Manastiri ndihmuan në nxjerrjen e viktimës nga mjeti i shkatërruar dhe personave të lënduar.
Të lënduarit ndodhen në gjendje të mirë shëndetësore. Nga ana tjetër vijojnë hetimet për të zbuluar shkakun e aksidentit.
Discussion about this post