Dhjetë aeroporte në të gjithë Evropën janë zgjedhur si aeroportet më të përshtatshme për të udhëtuar, sipas të dhënave të mbledhura nga StressFreeCarRental.
Kriteret për zgjedhjen e aeroportit më të përshtatshëm u bazuan në numrin total të udhëtarëve në një vit, distancën nga qendra e qytetit, numrin total të restoranteve brenda zonës, çmimet e parkimit të makinave për një javë dhe vlerësimin e cilësisë.
Sipas listës, sa më i vogël të jetë numri i pasagjerëve, aq më pak stresues është një aeroport, dhe po ashtu, sa më afër qytetit, aq më të lira janë taksitë, aq më pak stres hasin udhëtarët, raporton SchengenVisaInfo.com .
Dy nga dhjetë aeroportet e përzgjedhura në këtë listë ndodhen në Itali dhe pjesa tjetër në vende të tjera të Evropës.
Aeroporti Billund i Danimarkës, aeroporti i Luksemburgut dhe aeroporti Ndërkombëtar Vilnius i Lituanisë janë tre aeroportet më pak stresues.
Shtatë vendet e mbetura janë pjesë e listës për aeroportet më pa stres për të udhëtuar:
Spanjë (Aeroporti Menorca)
Gjermani (Aeroporti i Hanoverit)
Mbretëri e Bashkuar (Aeroporti i Newcastle)
Greqi (Aeroporti Ndërkombëtar i Korfuzit)
Norvegji (Aeroporti Trondheim)
Itali (Aeroporti i Torinos)
Itali (Aeroporti Cagliari Elmas)
Discussion about this post