Kanë kaluar dhjetë ditë nga ngjarja e tmerrshme që ndodhi në Deçan të Kosovës, ku mbeten të vrarë 2 nxënës dhe shoferi i autobusti, pasi një person i paidentifikuar ka qëlluar me breshëri plumbash ndaj tyre.
Deri më tani nuk ka asnjë gjumë nga autori dhe më së shumti. familjarët e Gani Gjokajt, shoferit të vrarë, kërkojnë zbardhjen e ngjarjes dhe kapjen sa më parë të autorit. Ata thonë se ende janë në pritje të ndonjë informacioni për rastin dhe se kjo situate i ka brengosur. “Familja, brengën e ka zbulimin e rastit. Nga kush erdhi? Pyetja që çdo ditë bëjmë ne familjarët, vëllezërit, nëna e baba, pse dhe nga kush erdhi vrasja? Ta dimë arsyen. Nëse do t’i kishim pasur dikujt borxh ka pasur alternative tjera. Kjo për momentin është brenga më e madhe”, tha ai.
Gjokaj thotë se familja nuk është e kënaqur me institucionet shtetërore pasi sipas tij deri më tani së paku është dashur të ketë një pistë hetimi. “Kemi hyrë në ditën e 11-të dhe nuk ka asnjë pistë hetimi. Nuk e kemi asnjë informatë të vetme që tregon se është duke u bërë një pistë hetimi apo që ka të dyshuar. Shpresojmë se një ditë e vërteta do të dalë në dritë”, deklaroi ai. Nga Prokuroria e Pejës kanë thënë se hetimet janë duke vazhduar dhe se në këtë moment nuk mund të japin informacione tjera. Qeveria ka ofruar shpërblim në vlerë 20 mijë euro, për këdo që jep informacione që dërgojnë në arrestimin e autorëve të krimit
Discussion about this post