Fjona Cenodemaj kallëzon me akuzën e korrupsionit zv. Drejtorin e Paraburgimit të Vlorës, Gentian Manellari.
Cenodemaj, përgjegjëse e çështjeve shoqërore në këtë paraburgim, në kallëzimin e saj, pretendon se gjatë një takimi në një lokal, Manellari i ka kërkuar 10 mijë euro që të qëndrojë në vendin e punës, raporton BW.
Cenodemaj shprehet se kësaj kërkese nuk i ka kushtuar shumë rëndësi, por 3 ditë më pas, asaj i ka mbërritur një urdhër që ajo duhej të linte funksionin e përgjegjëses dhe kalonte specialiste.
Në kallëzimin e saj, Cenodemaj, është shprehur se në datën 10 të muajit nëntor kanë qenë në një lokal në afërsi të fshatit Nartë në shoqërinë e farmacistit të institucionit, Dritan Fejza dhe në një moment sipas saj i kallëzuari i ka thënë “më jep mua 10.000 euro që të qëndrosh aty ku je”.
Në kallëzimin e saj ajo është shprehur se ndihet në presion dhe trysni ndërsa ka insistuar që të merren kamerat e lokalit, që është në afërsi të Nartës si dhe të pyetet dëshmitari i cili është farmacisti i institucionit.
Discussion about this post