Një nga organizatorët e eventit të boksit “Kosova Fighting Series”, Besart Berisha, iu ka bërë një ftesë publike reperit Noizy dhe Cllevios, që të përballen në një ndjeshje.
Përveç ftesës që të përballen në ring, Berisha shtoi se fituesit i ofron 100 mijë euro.
“Çfarë mund të them une është, hajdeni me 1 gusht në Prishtinë dhe nëse kanë interes, 100,000 euro për fituesin”, tha Berisha për mediat duke e bërë publikisht ftesën për përballje mes dy reperëve.
Kleviol Ahmeti, i njohur ndryshe si Cllevio, është lënë mbrëmjen e djeshme i lirë pasi prej më shumë se një muaji ndodhej në burg për shkak të thyerjes së masës “arrest shtëpie”, pas sherrit me Noizyn.
Menjëherë pas kësaj, ai bëri një ‘live‘ me Arjan Konomin, ku gjatë bisedës e ka ftuar sërish Rigels Rajkun (emri i vërtetë i Noizyt) për një përballje tjetër, por të jetë vetëm dhe diku më larg.
Ndërkohë nuk mungoi një kundërpërgjigje nga Noizy i cili riktheu në vëmendje një çështje, e cila kishte mbetur në arkivat e mediave. Bëhet fjalë për një rast të vitit 2014, që e ndërlidh Cllevion në akuzat për pedofili, më saktësisht dhunimin e një vajze 13-vjeçare në atë kohë. ‘Nuk e di kush janë prindërit e asaj por unë të kisha vrarë në vend”- shkruan Noizy.
Ai nuk ka hezituar që ta quajë “pedofil” dhe i ka kërkuar me të mirë që të mos merret me të apo familjen e tij. Noizy shkroi se ka tre vite që e shan kot pa i bërë asgjë vetëm se do vëmendje dhe famë. Ai më tej e quajti atë ‘gango TikTok-u’.
Pas kësaj deklarate bombë të Noizyt ishte i pritshëm një reagim nga Klevio i cili në një live në Instagram ka sqaruar se si ishte komplet ngjarja, duke thënë se vajza në fjalë ishte e dashura e tij për një vit, dhe aso kohe ishte 17 vjeçe e gjysmë, e jo 13 vjeçare.
Discussion about this post