Kryetari i PD-së, Sali Berisha gjatë një komunikimi me ndjekës në rrjetet sociale, u pyet lidhur me raportimet për ardhjen e një numri të konsiderueshëm palestinezësh në Shqipëri.
“Ajo që di unë është kjo, 4 muaj më parë midis ndërtuesve në Tiranë është qarkulluar lajmi ose ata janë shprehur se po ndërtojmë sepse do të na sjellë Rama palestinezë për të blerë 20 mijë apartamente. Kjo është fjalë e thënë nga disa ndërtues. Kur e kam dëgjuar e kam quajtur fantazi. Më vonë mediat izraelite dhe jo vetëm ato kanë cituar Shqipërinë dhe kanë bërë fjalë për negociata me Ramën për sjelljen e 100 mijë palestinezëve”, tha Berisha.
“Rama e mohoi këtë në mënyrë të prerë por sa mund t’i besosh Ramës, që gënjen në çdo fjalë. Unë më shumë se kaq nuk mund të them”, shtoi ai.
Discussion about this post