Presidenti i Republikës, Ilir Meta mori pjese në ceremoninë e organizuar me rastin e 100-vjetorit te themelimit te Kryqit te Kuq Shqiptar, ku për punën e bërë në 100 vite ai i dha kësaj shoqate dekoratën “Nderi i Kombit”.
Në fjalën e tij Meta falënderojë të gjithë ata që kanë qenë pjesë e Kryqit të Kuq ndër vite dhe më në veçanti ata qytetarë që kanë ofruar ndihmë vullnetare.
“Jam shumë i lumtur dhe nuk mund të mungoja në këtë eveniment të rëndësishëm. Gjatë gjithë historisë së tij 100 vjeçare, Kryqi i Kuq ka shkëlqyer me punën e tij në shërbim të njerëzve në nevojë, veçanërisht në momentet më kritike. Programet sociale, ato të shëndetit, programet në rast katastrofash kanë punuar dhe kanë dëshmuar protagonizmin.
Programi për dhurimin e gjakut, më sigurimin e tij për fëmijët talasemikë. Ka rritur ndërgjegjësimin tek të rinjtë për të dhuruar gjak. Gjej rastin të falënderoj Kryqin e Kuq që në këto tre vite ka organizuar seanca për të sensibilizuar shoqërinë tonë edhe në këto dy vite kaq të vështira të pandemisë.
Kryqi i Kuq ka strukturë me vullnetarë në shumë qytete të vendit. Ata kryejnë punë vullnetare duke bërë veprime mjaft humane dhe sensibilzuese. Falënderimi shkon edhe për themeluesit e parë, drejtuesit ndër vite të Kryqit të Kuq.
Kjo është një shoqatë që vazhdon të mobilizojë forcën humane dhe që tregon se të gjithë ne mund të ndihmojmë ata që janë në vështirësi të sociale dhe ekonomike. Të ndihmosh pa ditur kë ndihmon. Kryqi i Kuq e ka vënë këtë në zbatim për një shekull dhe do të vazhdojë.
Në këtë kuadër kam nderin t’i akordoj kësaj shoqate dekoratën e lartë “Nderi i Kombit””, tha ai.
Në përfundim Meta i kërkoi qytetarëve të vazhdojnë me projektin për dhurimin e gjakut.
