Në konferencën që u mbajt për 100 vjetorin e marrëdhënieve politike mes Shqipërisë dhe SHBA, presidenti Bajram Begaj ka falënderuar këta të fundit për kontributin që kanë dhënë në vendin tonë. Ai falënderoi në mënyrë të veçantë presidentin Ulillson, ndërsa theksoi se Amerika ndihmoi Shqipërinë që sot të jetë një faktor i rëndësishëm gjeopolitik në rajon.
“Kënaqësi e veçantë që sot, kremtojmë 100-vjetorin e lidhjeve të marrëdhënieve diplomatike me Shtetet e Bashkuara të Amerikës, partnerin tonë më të madh strategjik. Një moment i historisë sonë, lidhet me të shkuarën, të tashmen dhe të ardhmen e këtyre marrëdhënieve. Rol të rëndësishme në krijimin e këtyre marrëdhënieve e ka luajtur Presidenti Uillson, i cili ka fituar mirënjohjen e gjithë zemrave shqiptare. Falë mbështetjes suaj jemi faktor gjeopolitik në rajon”, u shpreh ai.
Discussion about this post