Ambasadorja amerikane Yuri Kim ka qenë në pranishme në një aktivitet në kuadër të 100-vjetorit të marrëdhënieve SHBA-Shqipëri. Gjatë fjalës së saj, Kim tregoi gjënë që ka mësuar dhe që i ka bërë përshtypje në Shqipëri. Ajo në gjuhën shqipe përmendi citatin e heroit kombëtar Skëndërberu ‘Bashkimi bën fuqinë’.
“Është një mbrëmje e bukur për të festuar 100 vite së bashku. Kemi kaluar shumë gjëra së bashku, por ja ku jemi sot këtu. Kjo e sotmja është mbrëmja më e pëlyre për mua. Nuk ka lidhje me muzikën, por Rock & Roll. Ka të bëjë me lirinë, me shpresën, por edhe me rebelimin. Nëse mendojmë për gjerat që na trishtojnë apo lumturojnë gjithmonë ka të bëjë me të ardhmen Po lexoja disa prej komenteve që kisha bërë për postimin e sotëm një prej pyetjeve thoshte kështu: nëse kisha mësuar diçka nga Shqipëria? Nëse kam mësuar diçka për Shqipërinë është vendi i shqiponjave, sepse që të dy popujt tonë janë popuj shqiponjash, jemi popuj që ngrihemi lart në fluturim. Gjëja e dytë është ajo që ka thënë heroi Skënderbeu “Bashkimi bën fuqinë”. Të gjithë e dimë vlerën e saj. Në këtë 100 vjetor le të qëndrojmë bashkë, të ecim drejt së ardhmes, Shqipëria dhe Amerika së bashku” – tha Kim.
Discussion about this post