Deputetja e Partisë Demokratike, Ina Zhupa ka publikuar një video të liderit të opozitës, që sipas saj tregon vendosmërinë për të mos çuar PD drejt izolimit dhe bunkerizimit, referuar deklaratave për Kuvendin e 11 dhjetorit.
Në video, Basha shprehet se nuk do lejojë përçarjen e demokratëve, ndërsa thotë se objekti i PD është përballja me kryeministrin Rama.
“Për të gjithë ata që sot mashtrimin e kanë kthyer në mjet përçarës për demokratët, për interesa personale të tyre. Mbi mashtrime u bunkerizua Shqipëria, por këto kurrë nuk do të shërbejnë për të bunkerizuar Partinë Demokratike. Sa u përket pretendimeve për kuvende, Kuvend të PD, për të marrë në shqyrtim vendimin e qeverisë amerikane s’ka për të pasur. Objektivat tona janë përballja me Edi Ramën dhe regjimin e tij dhe fuqia jonë do të përqendrohet këtu. Nuk ka për të pasur kuvend të PD, që shqyrton vendimin e qeverisë së SHBA”, thuhet në video e postuar nga Zhupa.
Lufta e Kuvendeve në PD, sa vjen e bëhet më e ashpër me palët që akuzojnë njëra-tjetrën se po punojnë në interes të kryeministrit Rama për të përçarë PD dhe mbajtur atë në pushtet.
Discussion about this post