Urdhëri i Drejtorit të Përgjithshëm të Policisë Gledis Nano për përjashtimin e efektivëve të policisë që rezultojnë përdorues të lëndëve narkotike ka krijuar mosmarrëveshje brenda institucionit të policisë. Ditën e sotme, 11 punonjës të rendit në Komisariatin nr.2 të kryeqytetit rezultuan negativ në testin për përdorim droge, teksa në testin e parë dolën pozitiv. Duke parë këto rezultate, ata kanë kërkuar menjëherë rikthimin në punë. Në këtë mënyrë, edhe efektivët e tjerë të përjashtuar në komisariatet e tjera të vendit kanë kërkuar përsëritjen e testit.
Deri tani, janë konfirmuar 51 punonjës si konsumues të lëndëve narkotike në radhët e policisë së shtetit, ku 18 prej tyre rezultuan në Vlorë e Sarandë.
Discussion about this post