Janë zbardhur emrat e 12 prej 20 prokurorëve të SPAK që do shpërndahen në 12 qarqet e vendit, duke krijuar atë që sipas strategjisë kundër krimeve elektorale konsiderohet si “Task-Forca” për parandalimin e krimeve gjatë fushatës elektorale.
“Task-Forca”, do ketë një periudhë funksionimi që do vijojë për 3 muaj me radhë nga muaji Shkurt 2025, deri në muajin Maj 2025, kur dhe do zhvillohen zgjedhjet parlamentare
Në krye të kësaj Task-Force do qëndrojë kryeprokurori Altin Dumani, ndërsa për kryeqytetin janë caktuar të monitorojnë krimet elektorale zv/drejtuesi i SPAK dhe drejtuesi i seksionit të krimit të Organizuar, Adnand Xholi dhe Drejtuesi i seksionit kundër korrupsionit dhe krimit ekonomik, Klodian Braho e së bashku me ta edhe Dumani.
Në Gjirokastër është caktuar si prokuror koordinator Arben Kraja, në Elbasan, Ols Dado, në Shkodër Dritan Premçi, në Kukës Anita Jella, në Berat, Behar Dibra, në Durrës Ervin Kondili, në Fier Doloreza Musabelliu së bashku me Sotir Kllapin në Dibër Ervin Gokaj dhe në Korçë, Vladimir Mara.
Të gjitha këta prokurorë gjatë periudhës 3 mujore do marrin takime dhe zhvillojnë mbledhje me Drejtorin dhe strukturat policore të qarkut ku kanë emëruar si koordinatorë special.
Njësoj si koordinatorët politikë të emëruar nga PD, PS dhe LSI, ashtu dhe SPAK në çdo qark ka futur dhe koordinatorët e tij në këtë fushatë elektorale.
Qëllimi i takimeve, do jenë për ngritjen e një pune operative me qëllim evidentimin e rasteve, ku ka tendencë për blerjen e votës nga elementët e subjekteve politike.
Së bashku me secilin prokuror do jenë dhe grupe të caktuara me oficerë të BKH-së, raporton Top Channel.
Discussion about this post