Familjarët e 4 protestuesve të vrarë më 21 janar kanë bërë homazhe ditën e sotme në bulevard përballë Kryeministrisë, ku janë shoqëruar nga kryeministri Edi Rama dhe ministra të tjerë të qeverisë.
Gjatë një prononcimi të shpejtë, xhaxhai i Alekës Nikës ka hedhur akuza të forta ndaj Prokurorisë e cila sipas tij ka fshehur dosjen e “21 janarit”. Për xhaxhain e të ndjerit Rama nuk ka lidhje me hetimet por mund të nxisë Prokurorinë që të hapur cështjen.
“11 vjet por deri sot nuk ka funksionuar drejtësia e cila politikisht dhe juridikisht ka qenë e varur nga PD. Ato gjithmonë e kanë sabotuar gjykimin e çështjes. Ne presim që drejtësia e re e zhveshur nga korrupsioni politik dhe çështja kemi bindjen se do të kalojë në SPAK për të tu rigjykuar çështja. Deri tani është dobët hetimi nuk ka informacione, Prokuroria e Tiranës ka fshehur dosjen nuk kemi informacione, por ne kemi bërë përpjekjet për t’i kaluar SPAK-ut. Rama nuk është prokuror as hetues, ai nxiti prokurorinë për të hetuar çështjen, s’ka lidhje kryeministri me hetimet”, tha xhaxhai i Alekës Nikës.
Ziver Veizi, Aleks Nika, Hekuran Deda dhe Faik Myrtaj janë viktimat e 21 janarit, të cilët protestuan para kryeministrisë në kohën kur kryeministër ishte Sali Berisha. Vitin e kaluar Policia e Tiranës përmes një kërkese i është drejtuar Prokurorisë për rihapjen e dosjes “21 Janarit”. Kujtojmë se Prokuroria e Tiranës i pezulloi hetimet për njërin prej të vrarëve në bulevard, Aleks Nikën, në 2020.
Discussion about this post