Përmes një postimi në Facebook, kryeministri Edi Rama ka kujtuar mëngjesin e sotëm 111-vjetorin e lindjes së Nënë Terezës.
Rama ka postuar një foto të Nënë Terezës, me të cilën u uron ndjekësve një ditë të paqtë.
“MIRËMËNGJES dhe me këtë foto të Nënë Terezës së shenjtë në ditën e lindjes së saj, ju uroj një ditë të paqtë si vetë ajo”, shkruan Rama.
Anjezë Gonxhe Bojaxhiu e njohur zyrtarisht si Nënë Tereza ka lindur më 26 gusht të 1910 në Shkup, por pjesën më të madhe të jetës së saj në Kalkuta të Indisë duke iu dedikuar tërësisht çështjes së bamirësisë dhe duke u kujdesur për njerëzit e varfër e të sëmurë. Ajo është nderuar me çmimet dhe nderimet më të larta, duke përfshirë: më 1962 Çmimin e Paqes “Ramon Magsaysay” dhe më 1979 Çmimin “Nobel për Paqe”. Nënë Tereza ndërroi jetë më 5 Shtator 1997 në Kalkuta të Indisë.
