Zjarr në një banesë në Shkodër, dyshohet i qëllimtë

Një banesë është përfshirë nga flakët këtë të mërkurë në Shkodër.

Sipas policisë mësohet se ngjarja ka ndodhur në lagjen Guerrile ku një 26 vjeçar ka njoftuar se kishte zjarr në derën e banesës së tij (derë me xham) dhe si pasojë ishte thyer xhami i kësaj dere.

Paraprakisht dyshohet se zjarri është vënë qëllimisht.

“Rreth orës 02:45, një 26 vjeçar, banues në lagjen Guerrile, ka njoftuar se kishte zjarr në derën e banesës së tij (derë me xham) dhe si pasojë ishte thyer xhami i kësaj dere. Paraprakisht dyshohet se zjarri është vënë qëllimisht. Grupi hetimor vijon punën për dokumentimin e plotë të këtij rasti”, thuhet në njoftimin e policisë.