Ditën e djeshme “The Economist” ka publikuar një raport për pandeminë në vendin tonë, sipas të cilit vdekjet nga Covid shkojnë deri në 12 mijë në shifra reale. Në lidhje me këtë çështje ka reaguar sot nënkryetari i Lëvizjes Socialiste për Integrim, Petrit Vasili, i cili përmes një postimi në rrjetin social Facebook i kërkon SPAK që ta hetojë këtë çështje. Ai pretendon se shifrat janë 5 herë më të larta se ato që janë raportuar deri më tani nga qeveria.
SPAK heto për vdekjet nga Covid, në mos në emër të ligjit të paktën ne emër të moralit? Publikimet ndërkombëtarë shumë autoritare që nga FMN kohë ma parë e deri tek The Economist sot, kanë argumentuar se shifrat reale të vdekjeve nga Covid-19 janë shume herë më të larta se ato të raportuara nga qeveria, pra realisht kanë provuar fshehjen e vdekjeve nga Covid nga qeveria rilindase. Kemi argumentuar prej kohesh së vdekjet nga Covid fshiheshin nga qeveria në funksion të propagandës së saj. Vdekjet reale janë të paktën 5 herë me shume nga ato raportuara nga qeveria”, shkruan ai.
“The Economist” shkruan se në Shqipëri kanë vdekur më shumë se 12 mijë persona nga koronavirusi, pra shifra 4 herë më të larta nga se raporton qeveria jonë.
Discussion about this post