12 raste të reja me Covid në 24 orët e fundit

Në 24 orët e fundit janë shënuar 12 raste të reja të infektimit me Covid-19. Ministria e Shëndetësisë bën të ditur se janë kryer 471 testime, ndërsa 14 qytetarë janë shëruar nga koronavirusi. Gjatë 24-orëshit të fundit nuk është shënuar asnjë humbje jete.

“Në 24 orët e fundit: Janë kryer 471 testime, nga të cilët kanë rezultat pozitivë me COVID19, 12 qytetarë, në Bashkitë: 9 në Tiranë, nga 1 qytetarë në Kavajë, Patos, Sarandë. Janë 157 qytetarë aktivë me Covid19 në të gjithë vendin. Aktualisht në Spitalin Infektiv po marrin trajtim 2 pacient. Në 24 orët e fundit nuk ka asnjë humbje jete me SarsCov2. Janë shëruar 14 qytetarë gjatë 24 orëve të fundit, duke e çuar numrin e të shëruarve në 329,432 që nga fillimi i epidemisë”, njofton MSH.