Në 24 orët e fundit në Kosovë janë regjistruar 12 raste të reja me COVID-19 nga testimi i 1 mijë e 898 mostrave.
Fatmirësisht nuk ka patur humbje jete, ndërsa 13 persona janë shëruar nga ky virus. Në total numri i rasteve aktive me COVID-19 në vend është 133.
Njoftimi i MSH’së:
11 Korrik 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 919 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 253.858 doza të vaksinës.
Deri më sot 64.276 qytetarë janë vaksinuar me dozën e dytë. Nga 1.898 testime, 12 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes. Sot janë shëruar 13 qytetarë, derisa numri i përgjithshëm i të shëruarve është 105.457. Në total numri i rasteve aktive është 133.
