Një mega operacion kundër trafikut të lëndëve narkotike ka vënë në pranga 12 persona në Itali, mes të cilëve të përfshirë edhe shqiptarë. Karabinierët e Katanias kanë kapur bandën e cila merrej me tregtimin dhe trafikun e hashashit dhe kokainës.
Sipas mediave vendase, janë arrestuar 12 persona, në akuza të ndryshme, ku ndër të tjera dhe trafikimi dhe tregtimi i drogës. Identitetet e tyre ende nuk janë bërë të ditur, për shkak të hetimit i cili është ende në vijim.
Hetimi, i quajtur “Alter ego“, i koordinuar nga DDA dhe i kryer nga bërthama operacionale e kompanisë në Piazza Dante, zbuloi disa familje të ndryshme mafioze që merreshin me trafikimin e drogës dhe në furnizim edhe përtej kufijve rajonalë dhe kombëtarë.
Grupi, sipas aktakuzës, shiste hashash, kokainë dhe marijuanë në Katania, Sirakuzë dhe Maltë. Droga importohej nga Shqipëria, Holanda, Kalabria dhe Pulia. Në kuadër të fazave të ndryshme të hetimit, karabinierët sekuestruan një total droge me vlerë rreth 5 milionë euro.
Discussion about this post