12- vjeçari mbytet në lumin Fan të Mirditës, policia ndërpret kërkimet për të gjetur trupin

Policia dhe polumbarët e RENEA-s kanë ndërprerë kërkimet për gjetjen e 12- vjeçarit të mbytur mbrëmjen e sotme në lumin Fan të Mirditën.

Bëhet me dije se kërkimet do të nisin në orët e para të mëngjesit.

Sipas policisë, kërkimet janë ndërprerë për shkak të errësirës. Para se ta tërhiqte lumi, i mituri ka qenë duke luajtur me top me moshatarët e tij. Burime për gijotina.com bëjnë me dije se topi i ka rënë në ujë. Fëmija shkoi ta merrte, por rrjedha e lumit ishte e fortë dhe e tërhoqi me vete.

Që prej momentit që është vënë re mungesa e të miturit, prindërit kanë lajmëruar policinë. Vijojnë kërkimet në zonë për trupin e 12-vjeçarit.