“13 km rrugë u nda në 14 lote”/ Berisha: Balluku rriti koston e Unazës në 450 milionë euro

Kryetari i Partisë Demokratike, Sali Berisha, ka akuzuar sërish Belinda Ballukun si hajduten më të madhe të qeverisë Rama.

Gjatë fjaës së tij në protestën para kryeministrisë, Berisha u ndal të cështja e Unazës së Madhe, për të cilën SPAK ngriti akuzë të re ndaj Ballukut.

Berisha u shpreh se ky projekt me vetëm 13 km rrugë u nda në 14 lote me qëllim e vetëm për të vjedhur sa më shumë.

“Belinda Balluku e rriti koston e ndërtimit të Unazës në 450 milionë euro,” tha Berisha, duke shtuar se kostoja ka arritur “20–22 milionë euro për kilometër”

“A mund të ketë qeveri që ndan 13 kilometra rrugë në 14 lote, vetëm e vetëm që të vjedhë më shumë?” u shpreh ai më tej duke ngritur akuza të tjera drejt administrimit të rrugëve.