Infektimi me variantin Omicron të koronavirusit është bërë shumë problematik në Portugali. Plot 13 lojtarë të skuadrës së Belenenses ka rezultuar të infektuar me këtë virus, kjo ka bërë që ata të mos aktivizohen në ndeshjen e së shtunës kundër Benficas në kampionat.
Instituti Kombëtar i Shëndetësisë në Portugali (Insa) e ka konfirmuar këtë lajm ditën e sotme. Deri më tani këto kanë rezultuar të jenë rastet e para të variantit të ri të Covid në Portugali, ndërsa burim mendohet të ketë qenë një prej lojtarëve që kishte udhëtuar së fundmi në Afrikën e Jugut.
Zhvillimi i ndeshjes, duke ditur situatën te Belenenses ka bërë që në Portugali të ndezën shumë debate, pasi takimi vazhdoi deri në fillim të pjesës së dytë. Kjo ndodhi për shkak se Belenenses mbeti në fushën e lojës u me vetëm gjashtë lojtarë, ndërsa Benfica kryesonte 7-0. Bazuar në rregulloren e futbollit, gjyqtari e ndërpreu takimin./K.T/Gijotina.com
Discussion about this post