Partia Demokratike ka denoncuar sërish tenderat për ndërtimin e Unazës së Re në Tiranë. Deputeti i zgjedhur i PD, Helidon Bushati ka denoncuar në emër të PD, skemën e korrupsionit të kryeministrit Rama dhe ministres Balluku nëpërmjet 7 tenderave me vlerë 130 milionë euro në Unazën e Tiranës.
“ARRSH e Ballukut do të zhvillojë 7 tendera për ndërtimin e pjesës së mbetur të Unazës së Tiranës, me vlerë 130 milion euro. Tenderat janë të parafiksuara si llokma në tryezën e oligarkëve, por faturën e paguajnë qytetarët shqiptarë përmes taksave të tyre, që rriten përditë”.
Bushati shkruan se kjo veprimtari do të denoncohet me fakte e prova, për prokurorinë e paralizuar përballë korrupsionit që ka kapur shtetin.
“Çdo llokmë tenderi të kësaj unaze 20 milion euro për kilometër futet në barkun e korrupsionit endemik të Edi Ramës që qeras oligarkët. Unaza e Korrupsionit të Edi Ramës do të denoncohet edhe më fort, me fakte e prova, për prokurorinë e paralizuar përballë korrupsionit që ka kapur shtetin”, shkruan Bushati.
