1300 pedagogë thërrasin në një zë: Rama të dorëhiqet! Protestuesit nisin marshimin drejt Ministrisë së Arsimit

1300 pedagogë të mbledhur para Universitetit Politeknik i kërkuar dorëheqjen kryeministrit Edi Rama.

Ata u shprehën se nuk protestuesit nuk kanë çfarë të dialogojnë me kryeministrin Edi Rama.

Akademikët dhe profesorët marshuan në këmbë drejt Bulevardit “Dëshmorët e Kombit” për t’u mbledhur para Kryeministrisë ku oshëtinin thirrjet për largimin e Ramës dhe të qeverisë së tij.

Pasi qëndruan për disa orë para Kryeministrisë, ata kanë nisur marshimin me një banderolë të madhe; stop dhunës ndaj studentëve, ndërsa raportohet se do të stacionohen te Ministria e Arsimit.

“Hiqni kapelet”, “arresto Ballukun”, janë këto thirrjet që jehojnë në Bulevardin para Kryeministrisë.

Protestuesit kanë bërë thirrje edhe drejtuar efektivë të policisë që të bashkohen me studentët, për largimin e Ramës.

Këtë të martë, pedagogët kanë dalë në mbështetje të studentëve, duke dënuar dhunën policore ndaj tyre.

Një marshim që ka mbushur Bulevardin. Akademikë, studentët të rinj protestojnë të vendosur në kërkesat e tyre për dorëheqjen e Ramës.

Gjatë marshimit u shfaqen edhe disa pankarta me shkrimet “Koha për Atdheun, jo për partinë”.