Ish-kryeministri Sali Berisha gjatë konferencës së përjavshme me gazetarët denoncoi edhe njëherë farsën elektorale të 14 majit, duke sjellë fakte të reja nga manipulimi në burgje. Sali Berisha deklaroi se Emiljano Shullazi bëri presion në burgun 313 për të votuar Erion Veliajn.
“Gjithashtu një manipulim i tmerrshëm është bërë në burgjet e Shqipërisë. Informoj publikun se në burgun 313, ku ndodhen rreth 600 të burgosur, të burgosur nga grupi i Shullazit dhe vetë Shullazi, iu janë bërë format më të egra të presionit.
Shullazi dhe grupi i tij, është lejuar në kundërshtim flagrant me rregulloren e burgut, të kalojë nga kati në kat për të ushtruar terror mbi të burgosurit për të votuar për Erion Veliajn.
Të burgosurve iu është kërkuar deklaratë, por ka nga ata që kanë refuzuar deklaratën për dinjitetin dhe nuk kanë firmosur për të votuar për Erion Veliajn.
Në listën e zgjedhësve ka pasur gjithsej 130 votues, në ditën e votimit kanë votuar 300 votues”, pohoi Berisha.
Discussion about this post