Pak ditë pas dekretimit të 14 majit si datën e zgjedhjeve të ardhshme lokale, kreu i Partisë së Lirisë, Ilir Meta ka mbërritur në selinë e PD për të zhvilluar një takim me Sali Berishën.
Në fokus të bisedës mësohet se janë zgjedhjet lokale që pritet të mbahen më 14 maj të vitit të ardhshëm, por nuk dihet se për çfarë do të diskutojnë konkretisht dy liderët e opozitës.
Vazhdimisht në konferenca për shtyp dhe deklaratat për mediat, dy liderët kanë shprehur gatishmërinë për të bashkëpunuar me njëri-tjetrin në mënyrë që të arrijnë të fitojnë përballë qeverisë Rama. Sa i takon zgjedhjeve lokale, dy palët duket se deri më tani kanë rënë dakord për të dalë me një kandidat të përbashkët si një mundësi për të rritur shanset e fitores së tyre.
Discussion about this post