14-vjeçari plagos me thikë adoleshentin në Burrel

Një sherr mes dy të miturve ka ndodhur Burrel, ku për pasojë ka mbetur i lënduar me thikë një 17-vjeçar i identifikuar si Erjon Livani.

Mësohet se ka qenë një 14-vjeçar që ka goditur adoleshentin, ndërsa sherri mes tyre rezulton të ketë qenë për motive të dobëta.

Policia ka bërë të mundur kapjen dhe shoqërimin 14-vjeçarit, ndërsa hetimet për ngjarjen kanë nisur.

Njoftimi i policisë

Rreth orës 08.40, në fshatin Zenisht, Burrel pas një konflikti për motive të dobëta, dyshohet se një shtetas i mitur 14 vjeç, ka goditur me mjet prerës (thikë), shtetasin Erjon Livani., 17 vjeç, i cili ndodhet në spital, në kujdesin e mjekëve.

Shërbimet e Policisë falë veprimeve të shpejta hetimore kanë bërë të mundur kapjen dhe shoqërimin 14-vjeçarit, në Komisariat për hetime të mëtejshme.

Grupi hetimor vijon punën për zbardhjen dhe dokumentimin e plotë ligjor të këtij rasti.