Në orën 17:00 ka mbërritur në Shqipëri anija “Guardia Costiera” me 15 emigrantë të dëbuar nga Italia, të cilëve u është refuzuar azili në shtetin fqinj. Anija italiane është ankoruar në port dhe pritet që emigrantët të dërgohen në kampin e Gjadrit nën masa të rrepta sigurie.
Ky është kontigjenti i dytë i emigrantëve në pak kohë, pasi rreth 3 javë më parë mbërritën 40 emigrantë, ku 16 prej tyre u larguan për t’u riatdhesuar.
Kujtojmë se në Mars të këtij viti, senatori italian Matteo Renzi propozoi që ky kamp të kthehet në burg për shqiptarët e dënuar në Itali, pasi skema e deritanishme nuk ka funksionuar. Megjithatë, kampi i Gjadrit do vijojë të presë emigrantë, të paktën deri kur Gjykata Europiane e të Drejtave të Njeriut të përcaktojë se cilat konsiderohen vende të sigurta origjine, një listë që do të ketë fuqi për gjithë Bashkimin Europian.
Marrëveshja për emigrantët u nënshkrua nga kryeministri Edi Rama dhe homologia e tij italiane Giorgia Meloni më 22 Shkurt 2024.
Discussion about this post