Ditën e sotme 170 persona janë paraqitur me shenja helmimi në qytetin e Krujës. Dyshimet janë se ata janë helmuar nga uji i pijshëm dhe pas marrjes së njoftimit, policia ka ngritur grupin hetimor për sqarimin e ngjarjes.
Por, ky ujësjellës është inauguruar gjatë fushatës elektorale nga kryeministri Edi Rama dhe ministrja e atëhershme të Ekonomisë, Milva Ekonomi. Madje për të treguar cilësinë e tij, kryeministri Rama me anë të një shisheje të cilën e mbushi nga rubineti, piu ujë dhe u dha edhe të tjerëve që ishin me të.
“Na bini një gotë apo shishe ta mbushim me ujë të pimë ujë. Uji i pijshëm i Krujës 24 orë, gëzuar!” – u shpreh Rama gjatë inaugurimit.
Ndërkohë që 6 muaj pas fushatës elektorale dhe zgjedhjeve, 170 qytetarë kanë përfunduar në spitalin e Krujës me shenja helmimi, që dyshohet të ketë ardhur si pasojë e këtij uji. Aktualisht janë 18 veta te shtruar që po marrin mjekim dhe çdo krevat në spital është aktualisht i zënë me pacient.
Gijotina.com
