Nis sot (3 tetor) fushata elektorale për raundin e dytë të zgjedhjeve të 9 nëntorit që do të mbahen në 18 komuna në Kosovë.
KQZ-ja bëri me dije se fushata zgjedhore do të zgjasë deri gjashtë ditë, deri në momentin e hapjes së qendrave të votimit, më 9 nëntor në orën 07:00.
Raundi i dytë i zgjedhjeve për kryetarë komunash do të zhvillohet në 18 komunat ku asnjë prej kandidatëve nuk mundi të siguronte mbi 50% të votave të nevojshme, konkretisht në: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.
Lëvizja Vetëvendosje (LVV) udhëheq me numrin më të madh të garave në balotazh, e pasuar nga LDK, PDK, AAK dhe Lista Serbe. Lëvizja Vetëvendosje e fitoi garën pa balotazh në tre komuna Podujevë, Kamenicë dhe Shtime dhe shkon në balotazh në 12 të tjera. LDK-ja, garon në 9 komuna në balotazh, PDK-ja garon në 6 komuna në balotazh, AAK-ja garon në 5 komuna në balotazh, ndërsa Lista Serbe shënoi fitore në 9 komunat e banuara me shumicë serbe, ndërsa në Kllokot kryesoi, por shkoi në balotazh me Unitetin Kombëtar Serb.
Discussion about this post