Në 24 orët e fundit Kosova ka regjistruar 18 humbje jete dhe 1,891 të infektuar nga Covid-19. Sipas njoftimit të MSH së Kosovës, mësohet se në 24 orë janë shëruar 1,483 qytetarë, kurse numri i përgjithshëm i të shëruarve është 112,883.
Ndërkaq, në total numri i rasteve aktive është 25,797. Ditët e fundit në Kosovë janë shtuar ndjeshëm rastet me Covid-19, ku spitalet po arrijnë kolaps shëndetësor, dhe ndër të tjera, rrezikohet shtyrja e nisjes së vitit shkollor dhe rikthimi i orës policore.
