Një 18-vjeçar shqiptar ka ndërruar jetë në Itali, pasi u përfshi në një aksident. Admir Hoti, ishte duke drejtuar mjetin, e në krahun e pasagjerit kishte babanë, që fatmirësisht shpëtoi. I riu është me origjinë nga Kosova dhe jetonte në Concordia Sagittaria.
Dyshohet se toka e lagur nga shiu u bë shkak që mjeti të humbiste kontrollin. I riu u dërgua me urgjencë në spitalin Angelo në Mestre për t’iu nënshtruar një operacioni, mirëpo s’ja doli dot të mbijetonte.
Gjithçka ka ndodhur rreth orës 20 të mbrëmjes së 10 majit, në shtrirjen e unazës Mattei që të çon nga viadukti i rrethrrotullimit të Alpinit drejt Noiarit. Në përplasje janë përfshirë dy makina.
Mjeti i Hotit, Fiat Grande Punto e cila po lëvizte nga San Stino në drejtim të Portogruaro, kaloi nëpër rrethrrotullim, por shoferi humbi kontrollin.
Ekipet e shpëtimit mbërritën në vendngjarje me tre autoambulanca, zjarrfikëse dhe dy patrulla karabinierësh.
Discussion about this post