Një ngjarje e rëndë ka ndodhur në Ferizaj të Kosovës, ku dy të rinj kanë dhunuar fizikisht një 18-vjeçare dhe më pas e kanë lënë të vdekur në derën e spitalit.
Policia ka arrestuar një nga personat e dyshuar, me iniciale A.S, 32-vjeç dhe ka shpallur në kërkim të riun tjetër me iniciale D.K.
Dy të rinjtë janë kapur nga pamjet e kamerave të sigurisë, kur lënë 18-vjeçaren pa shenja jete në dyert e spitalit e pastaj largohen me një makinë “Audi A8” me targa zvicerane me ngjyrë të zezë.
Fotot e tyre janë nxjerrë nga kamerat e sigurisë dhe janë shpërndarë në të gjitha pikat kufitare dhe drejtoritë të policisë së Kosovës. Në komunikatë për mediat, policia njofton se 32-vjeçari është intervistuar dhe ndaj tij është lënë masa e arrestit me burg për 48 orë.
Trupi i pajetë i viktimës është dërguar në Institutin e Mjekësisë Ligjore në Prishtinë për ekzaminim.
