Artistja e njohur e skenës shqiptare Eneda Tarifa prej disa kohësh ka qenë në heshtje sa i përket këngëve të reja.
Pas përfundimit kohë më parë si prezantuese e emisionit të humorit “Portokalli”, Tarifa bëri një pushim nga skena.
Mirëpo fansat e saj duan të dinë nëse ajo po punon për ndonjë projekt të ri dhe artistja ua ka shuar këtë kuriozitet.
“Ndodh që ndonjëherë ne artistët kemi vrull, ndonjëherë kërkojmë pauzë, është me periudha kjo puna e prodhimeve. Unë së fundmi kam punuar 3 këngë, i kam mbaruar dhe jam duke gjetur datat për të regjistruar videoklipet përkatëse. Këtë verë do të ketë të paktën 2, tjetrën do ta lëmë për vjeshtë. Nuk kam ndejtur kot por nuk kam qenë aktivja që duhet të jem gjatë vitit. Dueti me Renis Gjokën është një këngë e lehtë, tekstin e kam bërë unë, është Reggaeton dhe ka një temë të këndshme që nuk dua t’a zbulojë. Ka të bëjë me një çift që njihen”- bën të ditur Eneda Tarifa.
Discussion about this post