Në një konferencë për mediat, ministrja e Infrastrukturës, Belinda Balluku ka folur në lidhje me krizën e energjisë dhe rritjen e çmimit të naftës. Si në çdo dalje tjetër ajo ka folur në tendencën për të justifikuar qeverinë, duke thënë se, në vendin tonë kriza e energjisë elektrike dhe naftës kanë filluar që në verën e viti të shkuar dhe ndërhyrja nga qeveria është e pamundur.
Sipas Ballukut të gjitha vendet, kanë rritur, në mos dyfishuar çmimin e energjisë elektrike. Ndërsa u mburr se qeveria shqiptare ka ruajtur disa fasha, siç janë konsumatorët familjarë, dhe biznesi i vogël dhe i madh.
“Kriza energjitike nuk ka nisur as tani, as në fillim të këtij viti, ka nisur që në verën e kaluar, kemi marrë të gjitha masat, ndërkohë që çmimet e importit kanë filluar që të rriten që në muajin Shtator. Në Shtator -Tetor, ne filluam që të blinim në shifra shumë të larta, gjatë asaj periudhe ministria e financave ka vë një kredi, nga garancia sovrane, për të mbuluar kostot. E gjitha fasha që përfshin konsumatorët familjarë, biznesin e vogël dhe të mesëm, është marrë vendimi që të mbrohet nga qeveria.
Jemi përpara një fakti, që nga Janari i 2022, bizneset e mesme duhet të dilnin në treg të lirë, dhe qeveria ka vendosur që ti ruajë deri në fund të muajit Maj, ku do të ulemi sërish në tryezën e diskutimit. Ndërkohë që biznesi i madh, edhe më herët ka operuar në tregun e lirë të energjisë.
Do ti referohem vetëm vitit 2022, ne përdorim gjithmonë kaskadën, shiu është bërë një luks në Shqipëri, presim ndonjë ndryshim të vogël deri në 20 Mars, por ky pritet që të jetë një vit i thatë”, tha Balluku.
Ndërkohë, edhe para saj kryeministri Edi Rama tha i prerë se nuk mund të bëhet asnjë ndërhyrje për reduktimin e çmimit të energjisë dhe naftës, duke u justifikuar se kjo situatë ndikohet nga tregu i huaj dhe lufta në Ukrainë.
Discussion about this post