Një muaj para inagurimit, Veliaj bën tender 1 mld lekë për Kopshtin Zoologjik dhe e jep pa garë

Rikonstruksioni i Kopshtit Zoologjik i ka kushtuar taksave të qytetarëve shqiptarë mbi 7 miliardë lekë. Por Erion Veliaj nuk ndalet me kaq, pasi kësaj shume i ka shtuar edhe një 1 miliardë të tjera, për rikonceptimin e Kopshtit Zoologjik të cilat i ka dhënë pa konkurrencë.  Kompanitë fituese janë po të njëjtat, pra bashkimi i operatorëve, “ED KONSTRUKSION” shpk, “G.P.G. COMPANY” shpk, “ALBA KONSTRUKSION” dhe “VEKO”, të cilat e kanë fituar tenderin pa garë duke përfituar shumën marramendëse për veprën që do ta inaugurojë më 1 Qershor

Pra, tenderi është bërë një muaj para se të hapet Kopshti Zoologjik. Është Agjencia e Parqeve dhe Rekreacionit nën varësinë e Bashkisë Tiranë e cila ka hapur tenderin  me vlerë mbi 100 mln lekë me TVSH për rikonceptimin e hapësirave të felinëve. Tenderi prej 1 miliardë lekësh i dhënë kompanive që i kanë rrjepur buxhetit të shtetit 7 miliardë lekë, është ridhënë, këtë herë me objekt të ndryshuar specifik.

Mesa duket, Lali Erit i ka ecur mirë me tenderët për Kopshtin Zeoologjik për të futur ndonjë lekë në xhep, pasi procedurat tenderuese për të i bën deri ditën kur ta inagurojë. Më shumë se rikonceptim për hapësirën e secilës kafshë në Kopshtin Zoologjik, Veliaj e shesh si një burim të sigurt vjedhjesh të parave publike.