Video/ Polici qëllon me armë kolegun në komisariatin nr.3, i plagosuri në gjendje të rëndë

Një ngjarje e rëndë është regjistruar në komisariatin numër 3 në Tiranë, ku mësohet se një polic ka plagosur kolegun e tij.

Sipas informacioneve, një efektiv policie me iniciale Ludian Zaimi ka plagosur me armë zjarri kolegun e tij Caush Saliasi. Ky i fundit është dërguar në spital në gjendje të rëndë ku është futur në sallën e operacionit.

Ndërkohë autori është mbajtur në komisariat ku po merret në pyetje nga kolegët e tij në lidhje me rrethanat në të cilat ka ndodhur ngjarja.