Dyfishohen rastet e kriminalitetit tek të miturit në Elbasan përgjatë vitit 2024. Vetëm në 6 muajt e parë janë regjistruar mbi 70 raste. Sipas perfaqësuesve ligjorë, të miturit kryesisht akuzohen për armëmbajtje te armëve të ftohta apo edhe shitja e lëndëve psikotrope. Shtimi i rasteve të adolëshentëve në konflikt me ligjin, sipas psikologëve vjen për shkak të ekspozimit të tyre me dhunë në rrjete sociale por edhe neglizhenca e familjes.
Dyfishohen rastet e kriminalitetit tek të miturit në Elbasan. Sipas të dhënave zyrtare nga policia e Elbasanit në vitin 2022 ishin 74 të mitur në konflikt me ligjin, në vitin 2023, 95 ndërsa 6 muajt e parë të vitit 2024, shënojnë mbi 70 raste, aq sa 12 muaj të vitit 2022.
Kjo rritje ka ngritur shqetësimin e personave Juridik por dhe socialë. Avokati Oliger Kume shprehet se, shumica e veprave penale që kjo grupmoshe ka është armbajtja e armëve te ftohta në mjedise publike dhe mbajtjen, prodhimin dhe shitjen e lëndëve psikotrope.
Psikologia Elida Kercyku, tha se shkak i rritjes së kriminalitetit tek adoleshentët janë ekspozimi i tyre para dhunës në të gjitha rrjete sociale duke ndikuar tek ata, por edhe neglizhenca prindërve. Ajo thekson se është e nevojshme perfocimi i familjes për të rritur fëmijë të shëndetshëm dhe larg dhunës.
Shpesh ka patur edhe raste kur zënkat mes adoleshentëve të nisur nga rrjetet sociale kanë përfunduar fatkeqësisht edhe me humbje jete.
Discussion about this post