2 qeset me kanabis në banesë “e fundosën”, në pranga 61-vjeçari në Lezhë

Një 61-vjeçar me iniciale, P.Gj ka rënë në prangat e policisë pas gjetjes së një sasie të konsiderueshme kanabisi në banesën e tij. Mësohet se “blutë” e Lezhës gjatë një kontrolli në banesën e 61-vjeçari kanë gjetur 2 qese me lëndë të dyshuar narkotike cannabis sativa.
“ Shërbimet e Policisë, gjatë kontrollit të ushtruar në banesën e shtetasit P. Gj., në fshatin Kaluer, Njësia Administrative Ungrej, kanë gjetur dhe sekuestruar në cilësinë e provës materiale 2 qese me lëndë të dyshuar narkotike kanabis, me peshë rreth 1.3 kg.
Në vijim të veprimeve u bë arrestimi në flagrancë i pronarit të banesës, shtetasit P. Gj., 61 vjeç, për veprën penale “Prodhimi dhe shitja e narkotikëve”.
Vijon puna për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë.”-njofton policia.