Delegacioni i Bashkimit Europian po vëzhgon nga afër procesin zgjedhor në gjashtë bashkitë e vendit, në çdo qendër votimi. Në një postim në rrjetet sociale, ambasadori i BE, Luigi Soreca, thekson se skuadra Evropiane ndodhet në terren me 20 grupe që monitorojnë procesin zgjedhor në qendrat e votimit.
“Dita e zgjedhjeve në Shqipëri. Skuadra Evropa në terren në Shkodër dhe në 5 bashkitë e tjera, me 20 grupe që monitorojnë procesin zgjedhor në qendrat e votimit. Kjo është një ditë e rëndësishme për qytetarët shqiptarë, që po ushtrojnë të drejtën e votës. Është radha juaj që ta bëni zërin tuaj të dëgjohet duke votuar. Qendrat e votimit do të qëndrojnë të hapura deri në 19:00. Voto BE-ja qëndron krah shqiptarëve në ditën e zgjedhjeve”, thekson ambasadori i BE.
Më herët, edhe ambasadorja e SHBA, Yuri Kim ndoqi nga afër procesin e votimit në Durrës, ku i bëri thirrje qytetarëve të ushtrojnë të drejtën e tyre të votës.
Discussion about this post