20-vjeçari largohet nga banesa në Tiranë, nëna bën denoncim në polici

Një 37-vjeçare ka kallëzuar në polici në Tiranë se i është larguar nga banesa, djali 20-vjeçar.

Efektivët lajmërojnë se është duke u punuar për të gjetur të riun.

“Në Komisariatin e Policisë Nr. 3 është paraqitur shtetasja F. I., 37 vjeçe, e cila ka bërë kallëzim se është larguar nga banesa, djali i saj, shtetasi E. B., 20 vjeç. Punohet për gjetjen e tij”, njofton policia.

Po ashtu, policia në kryeqytet lajmëron se ka arrestuar një 28-vjeçar, pasi dyshohet se ka ushtruar dhunë ndaj babait të tij.

“Specialistët për Hetimin e Krimeve të Komisariatit të Policisë Nr. 5 arrestuan shtetasin K. E., 28 vjeç, banues në Babrru, pasi ka ushtruar dhunë ndaj babait të tij”, shprehet policia.