20-vjeçari përplas me motorr shtetasen e huaj në Berat, përfundojnë të dy në spital

Një aksident i rëndë ka ndodhur në qendër të qytetit të Beratit,tek Ura e Varur.

Një motorr, me targa BP 293,duke qarkulluar nga ulliri në drejtim të Urës së Goricës, ka goditur një turiste nga Nepali,që po kalonte nga njëra anë e rrugës në tjetrën,e shoqëruar nga disa turistë të tjerë.

Përplasja ka qenë aq e fortë sa turistja dhe drejtuesi i motorrit, E.Z, 20-vjeç, janë përplasur në asfalt, të plagosur rëndë. Ata janë transportuar fillimisht drejt Spitalit Rajonal Berat, ku pasi kanë marrë ndihmën e parë mjekësore, janë transportuar drejt Spitalit të Traumës në gjendje të rëndë.

Në vendngjarje kanë shkuar forca të shumta policie,që po kryejnë kqyrjen e vendngjarjes, për të konkluduar mbi shkaqet e aksidentit të rëndë.