Paraqitjet zhgënjyese te 33-herë kampionëve të Gjermanisë mbartin me vete një sërë pikëpyetjesh në reparte të caktuara te Bayerni.
Sigurimi i Rafael Guerreiros, Konard Laimer dhe “hipotekimi” në rrugë formale të mbrojtësit Kim, pa anashkaluar pistat e avancuara me Kane e Mount nuk janë të mjaftueshme në idetë e Tomas Tuchelit. Tekniku 49- vjeçar kërkon më tepër kreativitet në kontingjentin e rekordmenëve për sezonin e ardhshëm.
Leon Goretzka nuk e ka bindur 49-vjeçarin prej marrjes së “frerëve” në fillim të muajt prill, e cila koincidon me aventurën në pankinën e bavarezëve. I ngathët në qarkullin e topit, pa fantazi në daljet e shpejta, jo dinamik në ndaljen e kundërshtarëve në mënyre të pastër. Elementë që ish-trajneri i Chelsea i vështron si zgjidhje te Frenkie de Jong.
Nënshkrimi me Gundogan është kryer nga Barça dhe mbingarkesa në zemrën e ekipit “blaugrana”, nënkupton nevojën për spastrime, pa harruar faktin se kampionët e La Ligës janë të uritur në spektrin e të ardhurave.
Kolo Muani është lidhur shpesh më kalimin në jug të Gjermanisë, por aludimet nuk kanë shkuar më shumë se sa në linjat mediatike, pa hyrë në bisedime zyrtare.
Gazeta franceze “L’Equipe” është e sigurt se Bayerni po pret momentin e duhur për të blerë Kolo Muanin. 60-70 milionë euro mendohet se mund të bindin mes vështirësish bordin e “shqiponjave” të Frankfurtit, të cilët nga kampi i tyre dëshirojnë mes 80-100 milionë eurove.
Discussion about this post