Dihet se do të jenë 32 skuadra, dihet me sa klube do përfaqësohen kontinentet (12 evropiane, 6 amerikano-jugore, 4 aziatike dhe po aq nga Afrika dhe Amerika e Veriut, 1 nga Oqeania plus një tjetër nga vendi organizator), mund të imagjinohet gjithashtu dhe formati (8 grupe nga 4 skuadra, dhe më pas faza me eliminim direkt), supozohet se edicioni i parë mund të mbahet nga Shtetet e Bashkuara të Amerikës. Për pjesën tjetër, kampionati i ri botëror për klube i vendosur nga FIFA, i cili do të nisë në vitin 2025, mbetet mister.
Gazeta angleze ‘Times’ hedh disa hipoteza për zgjedhjen e formacioneve evropiane. Sigurisht që do të jenë 4 fituesit e UEFA Champions League nga viti 2022 deri në 2025 (sigurisht i pranishëm, pra, Real Madridi që fitoi edicionin e kaluar). Dhe 8 të tjerat? Asgjë nuk është e sigurt për momentin, duke qenë se po zhvillohen diskutime mes FIFA-s, UEFA-s dhe Shoqatës Evropiane të Klubeve për të diskutuar sistemin më të mirë të përzgjedhjes.
Hipoteza më e mundshme, sipas gazetës, do të ishte përdorimi i pozicionit në renditjen e UEFA-s. Kushti i vetëm është tavani i dy klubeve për çdo vend, por fituesit e Champions League nuk hyjnë në numërimin e 8 të përzgjedhurve. Pra, Spanja ka ende dy vende, pavarësisht pranisë së Realit.
Për momentin skuadrat që do të zgjidheshin në bazë të renditjes aktuale do të ishin: Manchester City, Liverpool, Bayern Munich, Borussia Dortmund, PSG, Barcelona, Juventus dhe Ajax. Megjithatë, çdo zgjedhje është e detyruar të shkaktojë diskutime pasi shumë mendojnë se është më e përshtatshme të mbështetemi te 4 fituesit e të gjitha kupave (Champions, Europa dhe Conference League) në periudhën katërvjeçare, duke u mbështetur në renditjen vetëm në rast se një ose më shumë ekipe do arrijnë të fitojnë dy ose më shumë tituj nga viti 2022 deri në 2025.
Discussion about this post