Kryedemokrati Lulzim Basha ka folur edhe mbi protestën e bujshme e historike të 21 janarit. Sipas Bashës, “21 janari ishte përpjekje e Ramës për t’u imponuar me grusht gangsterësh që të krijonte situatë që të pranoheshin zgjedhjet e parakohshme me dhunë. Ka një proces ligjor. Berisha përdori fjalor të papranueshëm pas 21 janarit”.
Ndërsa ish-kryeministri, Sali Berisha i është përgjigjur akuzave të Lulzim Bashës duke deklruar se në 21 janar ai ka qenë në zyrën e tij, e cila është goditur me gurë e plumba, ndërsa ngre pikëpyetje se ku ka qenë ish ministri i brendshëm, Lulzim Basha atë ditë.
“Unë kam qenë duke drekuar me ambasadoren gjermane dhe jam kthyer e nuk kam lëvizur nga zyra për asnjë moment. Ka edhe një fakt tjetër që zyra është qëlluar me plumba dhe gurë. Se ku ka qëndruar Lulzim Basha nuk e di. Ministri i Brendshëm është bërë skllav dhe peng i Edi Ramës. Tregon narrativën e tij. Për 21 janarin gjithçka kam ditur e kam thënë dhe e them. Për ’97? Ai lexoi atë pjesë që i çoi Rama me Endri Fugën“, tha Berisha.
Discussion about this post