Prokuroria e Posaçme (SPAK) ka shpallur moskompetencën për kallëzimin e dytë të depozituar nga familjarët e viktimave të 21 janarit, duke ia kaluar Prokurorisë së Tiranës.
Kreu i SPAK-ut, Altin Dumani u ka dërguar dhe një letër familjarëve ku u shpjegon edhe arsyet.
Ndërkaq, lidhur me audio-regjistrimin e ri, Mark Nika, xhaxhai i Aleks Nikës, një prej katër viktimave, ka deklaruar që atë mund t’ia vërë në dispozicion vetëm SPAK-ut.
Familjarët e 4 viktimave të “21 janarit” dorëzuan disa ditë më parë në Prokurorinë e Posaçme një kallëzim të ri në lidhje me vrasjen në bulevard të familjarëve të tyre.
Në kallëzimin e dytë të depozituar në SPAK akuzohet ish-kryeministrit Sali Berisha, ish-ministri i Brendshëm Lulzim Basha, drejtuesit të Gardës Ndrea Prendi dhe gardistit Agim Llupo në rolin e ekzekutorit.
Por, Prokuroria e Posaçme ka vlerësuar se kallëzimi nuk mund të shyqrtohet prej saj, duke ia përcjellë organit të akuzës së Tiranës, që po heton për çështjen prej disa kohësh tashmë.
Discussion about this post